الموضوع الثاني من العناية بالشعر الاول
شركة آلوايفا استخدمت منها منتجين
امبولات الشعر
وبديل الزيت المقوي للشعر
تشتهر هالشركة انها تستخدم الصبار في منتجاتها
ومعروف عنه انه يقوي ويغذي الشعر
امبولات الشعر له نوعين
نوع مع بروتينات الزبادي ونوع ثاني بدون بروتين
يستحدم مرتين بالاسبوع لمدة شهرين
طبعاً الي نوع مساميتهم منخفظة مثلي ياخذون بدون بروتين
لكن انا ارتكبت خطأ وجبته
صرت استخدمه على فترات متباعدة
سبق وتكلمت عن طريقة معرفة نوع مسامية الشعر هنا
الكرتون فيه 4 امبولات
الامبولة الوحدة تكفي لاستخدامين او ثلاث
يعني كميتها وافرة
تحطينها على منابت الشعر المبلل مع التدليك لمدة دقيقة او دقيقتين
وما تغسلين شعرك بعدها
بعد الاستخدام لاحظت على شعري
توقف التساقط والشعرة نفسها صارت قوية ومتغذية
بديل الزيت جميل جدا
انصح فيه للي شعورهم ناعمة وخفيفة وتتطاير
يعطي فوليوم وكثافة صحية للشعر
ويرطبه ويعطيه لمعة ويخف تطاير الشعرات
استخدامه بعد غسل الشعر
تاخذين كمية بسيطة وتوزعينها على شعرك
انا افضل استخدامه على شعر مبلل
عشان يتغلغل الكريم بالشعر وتمتصه الشعرة
عموماً المصدر الرئيسي لتغذية الشعر
هو التغذية السليمة للجسم كله
مثل البشرة تاخذ ترطيب من الماء والطعام الي يدخل للجسم
عن طريق التغذية وبنفس الوقت ما نستغني
عن الكريمات والماسكات
لترطيبها
الشعر نفس الشي يحتاج عناية وتغذية داخلية وخارجية.
No comments:
Post a Comment