vitamin E oil
احد اطباء التغذية يصرف لمراجعيه فتامين أي
من شركة sundown حبوب
وذكر ان الجسم ممكن يستفيد منه عن طريق اكل الحبوب
يعني هالشركة ممتازة طبياً
وجسمك يستفيد بالفعل من فيتامين أي اذا خلطتيه مع كريماتك
هالمنتج بنات غلط تحطينه على بشرتك مباشرة
لان قوامه ثقيل مثل العسل يدبق ويلصق ولا يمتص بسرعه
فالافضل تخلطينه مع كريماتك او منتجاتك غير البشرة
للي شعرها خشن مثلا تخلطينه مع أي ماسك للشعر
تحطين كم نقطة حسب حاجتك وكمية المنتج الي بتستخدمينه
سواء شعر او جسم او وجه
ما انصح الي بشراتهم دهنية يكثرون منه عشان ما يطلع لهم حبوب
او تستخدمون النوع الثاني اخف من هذا قوته 30
واحذر أي وحده تفكر تحط منه للهالات او على الجفن
ابعديه عن عيونك أي شي ثقيل ويدبق ابعديه عن عيونك
ممكن يسبب لجفونك كيس دهني
أي وحده تقولكم جربته للهالات ونفع ما عندها سالفه
ممكن عالجت مشكله بس تسببت بمشكله ثانيه
بنات قبل تسوون أي شي فكروا فيه صحياً
ممكن يذكرون لكم تجاربهم الايجابية بدون السلبية
يعني تقول راحت الهالات بس ما تقول عيني تأذت
وممكن فعلا عينها ما تأذت بس عين غيرها تتأذى
الهالات لها عدة اسباب بعضها مرضية وبعضها ارهاق
ونوم وبعضها وراثي
عالجي كل الاسباب مع الترطيب العادي لكريم مخصص للعيون
واذا فشلت كل المحاولات السلمية للعين
روحي اكشفي عند طبيب جلدية
حتى رموشك لا تستخدمين عليها زيوت
بالنسبة لخلط المنتجات
لقيت مجموعة حلوه للخلط في محلات الكماليات
واحجام صغيرة تناسب الشنط او السفر
فيه للمنتجات السائلة والكريمية وبعدة طرق
شي بالضغط وشي بالعصر او علب صغيرة
فكرته
ممتازة فكت ازمة.
No comments:
Post a Comment