هذا موضوع انثوي بامتياز وهو عن
تخريم الاذن
انا من الناس الي اعشق لبس الحلي بشكل عام
واشوف ان لبسها يزيد من انوثة البنت
من زمان كان ودي اخرم اذني زيادة عن الواحد
لكن كنت خايفة من الالم
الالم موجود لكن خفيف
اذا قررتي تخرمين انصحك تروحين لمكان يخرم بمسدس
اسهل من اليد واقل الم وثواني
وانتي خالصة
قبل اروح للعيادة
مسحت اذني بمسحة طبية ورشيت عليها مخدر ورحت
هي راح تمسح اذنك بمسحة طبية وترش مخدر
لكن انا حرص مني عشان المخدر
ياخذ وقت وتتخدر زيادة
وتخرم لك على الاماكن الي تحددين لها
نصيحة قفلي اذنك وقت التخريم عشان الصوت ما يخوفك
بعد التخريم لازم كل يومين تفكين الحلق وتمسحينه بمسحة طبية
وتمسحين مكان
الخرم وترجعين تلبسينها عشان ما يلتهب
صح يألم وانتي تفكين الحلق بس احسن من التهاب الاذن
انا خرمت مرتين
المره الأولى اهتميت فيها والمره الثانية اهملت شوي والتهبت
وانتفخت اذني واحمرت وصارت مأساة والم
والحلق الطبي قوي وفيه كبستين
والممرضة الله يهديها كبسته كل الكبستين
وكل ما حاولت افكه يألم زيادة
غلطتي اني ما فكيت الحلق من ثاني يوم ومسحته
تركته كم يوم يمكن 4 ايام والتهبت الاذن
رحت الدكتورة عطتني مرهم مضاد التهاب قالت ادهني عليها
جلست يومين ادهن ولا خفت
قلت خلاص ما ينصبر عليها لازم اشيل الحلق حتى لو يألم
رشيت اذني من المخدر وغرقتها بقوه وحاولت افكها حتى وهي تعور وتطلع دم
لين انفكت اخيرأ
تجرح مكان الحلق وجلست اعتني بالجرح مدة لين التئم
والتئم معاه مكان التخريم
المهم اذني سليمة الحمدلله
الدكتورة الي صرفت لي المرهم حذرتني من اهمال الاذن بعد التخريم
لان الجروح ممكن تسبب حفر دائمة في الاذن وتشوه شكلها
هذا المرهم انصح تشترونه من الصيدلية وتستخدمونه على الخرم مطهر ومعقم
افضل من تنظرونها تلتهب
مره كل يوم بعد ما تمسحون الاذن بمسحة طبية
هذا الحلق الطبي المستخدم في العيادات
لاحظوا هنا الحلق من اليمين مكبوس كبسة وحده والي على اليسار كبستين
عيبه ان كبسه قوي عشان كذا تواجهين صعوبة بفكه وكبسه
اعتقد ان المسدس يكبس كبستين لكن انتو بعد التنظيف خلوه على كبسه وحده
الحلق الطبي ميزته انه مطلي ذهب ويُقال ان الذهب يمنع التهاب الاذن
مع ذلك لا تحاولين تهملينه لان عادي تلتهب
على الاقل كل يومين او ثلاث ايام لمدة شهر تفكينه تنظفينه وترجعينه
تلبسين الحلق الطبي على الاقل 6 شهور مع العناية والتنظيف
بعدها ممكن تشيلينه وتستبدلينه بحلق ثاني
شوفو اماكن الخرم بالصور
ما افضل عدد الخرمات يزيد عن اربع بالاذن الوحده
يعني من 3 الى 4 حلو وشكلها ناعم
واستمتعوا
باقتناء اشكال الحلق الغريبة والجميلة
No comments:
Post a Comment