تنظيف فروة الرأس

تقشير فروة الرأس

فروة الراس يتجمع عليها رواسب المنتجات من كريمات وماسكات والدهون الي تفرزها الفروة

وتقفل مسام الفروة وما تمتص المنتجات زين

حتى لو غسلناها بالشامبو ما تنظف

نعمل لها سكراب سهل لتنظيفها

مكوناته :

سكر بني + زيت

الافضل يكون زيت خفيف عشان يطلع بسرعه خصوصاً

للفروة الدهنية

مثل زيت جوز الهند

كمية السكر تكون ضعف كمية الزيت

يعني اذا بتحطين ملعقتين سكر بني يكون الزيت ملعقة وحدة

عشان ما يكون الزيت كثير ويذوب السكر

طريقته :

تفرقين شعرك وتحطينه على الفروة وتفركين بشكل دائري وخفيف بدون ضغط

عشان ما نؤذي الفروة

وتغسلين شعرك بشامبو

تحسين بالفرق اول ما تطلعين من الشاور

حتى ملمس الفروة يتغير وتحسين بانتعاش

شعرك يتنفس ويمتص فوائد الماسكات بعد ازالة الرواسب من الفروة

الافضل نسويها كل مره في الشهر

وتمتعوا بشعر صحي ونظيف.