شركة قارنيه عندها منتجات كثيرة للشعر
واغلبها ممتازة
مبدئياً منتجات الشعر مثل منتجات البشرة تشترينها
حسب نوع شعرك ونوع
مساميته
لازم تتعرفين عليه قبل تعتمدين لك منتجات خاصة فيه
موضوع المسامية والتعرف عليها تكلمت عنه في موضوع سابق هنا
وبعدها تختارين افضل منتجات من افضل شركة
حسب الي يرتاح له شعرك
ميزة شركة قارنيه هي ان بعض المنتجات خالية من السيليكون
كيف نعرف؟ يكون مكتوب من الخلف اذا فيه او لا
شامبو قارنيه
هالنوع معزز للحيوية مخصص للشعر العادي الضعيف
الذي ينقصه حيوية بـ 5 نباتات وهي
الشاي الاخضر - الليمون - الاوكاليبتوس - نبتة القراص ونبتة اللويزة
ريحته تجنن كأنك تستحمين بغابة من جمال الريحة !
طبعاً خالي من السيليكون وهالشي يسبب خشونة شوي للشعر
حتى لو الشعر ناعم
والمعروف ان السيليكون مادة تغلف الشعرة فتعطيها ملمس ناعم
طيب حلو الملمس الناعم لكن المشكلة فيه انه يمنع المنتجات
من الوصول
لقلب الشعرة والدخول في مسامياتها
يعني استحمامك بشامبو فيه سيليكون يعني ما تستفيدين من
أي منتج تحطينه
على شعرك بعد الاستحمام لان السيليكون
ما يروح بالماء لازم يغسل بمنتج مافيه
سيليكون
بلسم قارنيه
نفس نوع الشامبو معزز للحيوية
يسهل التسريح ويفكك التشابك
يستخدم مره في الاسبوع لاحتوائه على السيليكون
طريقة استخدامه يوضع على الشعر دون الفروة او منابت الشعر
يعني ابتعدي 2 سانتي عن الفروة وحطيه
دلكي شعرك لمدة 3 دقائق ثم يغسل
بالماء
انا شخصياً ما استخدمه الا اذا عندي مناسبة عشان
يعطي سلاسة ومظهر صحي
لشعري
او اذا حسيت ان شعري تعبان ويحتاج تغذية غير الترطيب
سيروم قارنيه بنكهة العسل
يستخدم على شعر جاف او مبلل على الاطراف فقط
للشعر التالف والضعيف
يحتوي على سيليكون اكيد لان وظيفته هو ختم اطراف الشعرة
المتضررة
لتبدو بمنظر صحي
وايضاً وظيفته حماية اطراف الشعر من الحرارة الناتجة
عن التسريح
والاستشوار
نفس الشي استخدمه فقط وقت المناسبات والتسريح بالحرارة
فيه ماسكات حلوه للشعر من قارنيه لكن للحين ما جربتها
ولكن الاهم انك تختارين الي يناسب نوع شعرك اذا ناعم او كيرلي
الي تشتري حسب مدح بلوقرز وهي ما تعرف نوع شعرها
بعدين تقول مو حلو
اكيد استخدمتي شي مو مناسب لشعرك
انا شعري ناعم و دهني وهالمنتجات تخفف دهون الشعر
فاللي شعرها كيرلي تشتري مجموعة الافوكادو وزبدة الشيا
ترطب الشعر
بقوه
والي شعرها دهني وناعم تبتعد عنها
وتجرب المنتجات الي تكلمت عنها
هذا الجزء الاول خاص بشركة قارنيه راح انزل جزء ثاني
عن منتجات الشعر
لشركة ثانية ان شالله
No comments:
Post a Comment