خليط زيوت للعناية بالشعر
اختيارك للزيوت المناسبة لشعرك يتعلق بنوع مساميته
سبق وتكلمت عن كيف معرفة نوع مسامية شعرك هنا
خلط الزيوت له شروط
لا يمكن خلط الزيوت الحارة مع بعض
اذا كانت مساميتك عالية تستخدمين أي زيت نوعه حار لوحده
او تخلطين زيت نوعه حار وزيت
او زيتين نوعهم بارد
المهم الزيوت الحاره ما تخلط مع بعض
اما اذا مساميتك منخفظة
تكتفين بالزيوت الباردة
واذا تبين تستخدمين زيت حار
لازم تخلطين معه زيت بارد كميته تكون ثلثين الزيت الحار
يعني يكون اكثر منه مرتين عشان يخفف من ثقله على الشعرة
فيه ثلاث زيوت مشهورة انها الافضل للشعر وخلطها مناسب لكل انواع الشعر
زيت اللوز الحلو (بارد)
زيت السمسم (بارد)
زيت الخروع (حار)
تخلطينها في علبة بكميات متساوية
وبكذا صار الزيوت الباردة ثلثين الزيت الحار
والي تبي ريحة حلوة تضيف قطرات من أي زيت عطري
كيف نحط الزيوت على الشعر؟!
مبدئياً يكون الشعر نظيف من اي منتجات
تغسلينه بماء حسب نوع مساميتك
اذا منخفظة ماء دافي واذا عالية بارد
ليش المنخفظة ماء دافي عشان تفتح مسامياته
بعدين نحط الزيت على الشعر ونبعد عن الفروة 2 سم
ونركز على اطرافه لانها الاكثر عرضة للتقصف
ونغطيه بطربوش الحمام
وفيه طريقة ثانية
الي هي ما تغسلين شعرك بماء دافي
تحطين الزيت على طول ثم تلبسين طربوش الحمام وتدخلين تحت الدش الدافي
دقيقتين او
تجيبين فوطة مبللة بماء دافي وتحطينها فوق الطربوش
تتركين الزيت ساعتين فقط لا اكثر
بعض البنات ينامون فيه وهذا غلط وفيه ضرر كبير على الشعر وفروة الرأس
وكثرة استعمال الزيوت على الشعر مضر
يكفي مره بالاسبوع
ومع الاستمرار اسبوعياً لمدة شهرين نشوف النتائج ان شالله
طبعاً الزيوت نوع من انواع تغذية الشعر
ممكن نحط ماسكات على الشعر فيكفي انك تحطين الزيوت اخر الاسبوع
وماسك وسط الاسبوع وباقي الاسبوع تخلين شعرك يرتاح
لا تبالغون بالعناية بالشعر عشان لا يضعف ويتلف.
No comments:
Post a Comment