التنظيف الروتيني للبشرة
كل بشرة تختلف طريقة تنظيفها عن الثانية
الدهنية غير عن الجافة
الحساسة غير عن الي تتقبل المنتجات
انا بشرتي جافة و ممكن بعض المنتجات الي استخدمها تناسب
البشرة
الدهنية عادي خصوصاً الماسكات
لكن انا ماحب التنظيف العميق الي بالبخار لانه يسبب توسع للمسام
خصوصاً ان بشرتي جافة يعني مافيها دهون قوية
عشان تحتاج لتنظيف عميق بالبخار كل اسبوع
خطوات التنظيف الروتيني للبشرة ممكن تسوينها مره بالاسبوع او مره كل
اسبوعين
حسب الاجهاد الي تجهدين بشرتك فيه بفترة محددة
والي تحط مكياج يومي غير عن الي ما تحط مكياج الا نادر
عمومأ نبدأ بالخطوات
اصنفرها بكلين اند كلير
جميل مناسب للبشرة الجافة يخفف الرؤوس السوداء ويعطي ترطيب خفيف
ويناسب كل البشرات
اغسل وجهي بماء من أي اثار كريم او بقايا مكياج عليه
بعدين اوزع عليه الصنفره دقيقتين ثم ابدأ افرك خفيف
باطراف الاصابع او آله اذا عندكم
كل جزء بالوجه لمدة دقيقه الى دقيقتين
وما انسى الرقبة امرر عليها المنتج واصنفر بحركة خفيفه
بعدين اغسلها وانشفها
اخليها ترتاح 5 دقايق ثم اوزع ماسك هيمالايا باللوز والخيار
ينظف البشرة من الاثار وخشونة الجلد يقشع معه كل شي ويغذيها
يناسب كل البشرات
بيل اوف يعني ينقشع من الوجه ما يغسل بالماء
وبعد 15 الى 20 دقيقة اشيله ثم اغسل وجهي
ثم احط أي ماسك مغذي
نوع الماسكات الي اذا نشفت تغسلينها بالماء
مثل هالنوعين
ماسك الفواكة يناسب البشرة الجافة يغذيها ويفتحها ويجدد حيويتها
تحسين
بشرتك فعلاً انتعشت بعده
اما الثاني ينظف البشرة صح لكن احس انه يوحد لونها اكثر من انه يفتحها
طبعاً ما استخدم كل الاثنين مع بعض استخدم واحد
افضل استخدام الماسكات اذا بحط مكياج
بفاونديشن تغطيته خفيفة او بطلع بدون مكياج
واستخدمها بعد اذا كانت البشرة مجهدة وتحتاج تغذية وانعاش
وبعد ما تغسلين الماسك تمررين ثلجة على كل وجهك
ورقبتك تجنباً لتوسع المسام
وبعد هالتنظيف تحتاج لترطيب عميق
الكريم الي تستخدمينه لبشرتك دايما مناسب
خصوصاً لو كانت بشرتك جافة حيكون ترطيبه مناسب
واستمتعي ببشرة نظيفة ومشدودة بعد جلسة تنظيف ومساج خفيف.
No comments:
Post a Comment