ماهو
الليزر؟
تقنية عباره عن طاقة تحول الليزر إلى حرارة
تضعف بصيلات الشعر دون أن تحدث أي مضاعفات داخلية ،
وتتم حماية الجلد أثناء
المعالجة عن طريق عملية تبريد فعالة وذلك بضخ ملطف على الجلد يندفع بنفس سرعة
الضوء
اهم
معلومتين في ليزر ازالة الشعر:
- كل ما
كانت الشعرة اقسى كل ما كان مفعوله اقوى ونتائجه جيدة
-
الليزر لا يزيل الشعر من الجسم نهائياً بل يجعل الشعرة السميكة خفيفة اللون والحجم
ليش كتبت
هالمعلومتين في بداية الموضوع لان بعض البنات
يظنون
انه ازالة نهائية للشعر فيحبطون بعد ما ياخذون كم جلسة ومازال الشعر ينبت !
وبالنسبة
للشعر القاسي هو فقط يُعالج بالليزر
اما
الشعر الوبري الخفيف احذري تعملي عليه ليزر
والا
بيتحول لشعر قاسي فتضطرين تاخذين جلسات اكثر لين يرجع وبري !
اذا
دخلتي على الدكتورة وقلتي لها المناطق الي بتشيلينها هي بتكشف
عليك اذا
شعرك وبري او لا وتحدد في ملفك اماكن الشعر الوبري عشان تتجنبه الممرضة اثناء
الجلسة
بتسألك
عن اخر مره شلتي نتف او حلاقة
لانهم
يبون بويصلة الشعرة تُلسع بحرارة الليزر
فاذا كنت
شايله نتف بتقولك نعطيك موعد بعد 3 شهور
بعض
العيادات ما يهتمون اهم شي يدخلونك جلسة ويسحبون فلوسك
فالافضل
انتي من نفسك لا تشيلين الا بموس لمدة 3 شهور بعدها روحي للعيادة
او
الافضل تبدين جلساتك بعد الشتاء عشان يصير لك مدة طويلة ما شيلتي شعر جسمك
طبعأ ليش
3 شهور
عشان يضمنون
لك ان كل شعر الجسم نابت وراح يستجيب لضربات الليزر
وعلى
هالاساس تحدد لك موعد اول جلسة
بعدها
يعطونك موعد ومجموعة تعليمات
اولها
قبل الجلسة ب 12 ساعة بالقليل تشيلين بالموس
ليش 12
ساعة عشان لو بشرتك تتحسس من الموس تكون اخذت وقت ترتاح قبل ضربات الليزر
انا كنت
استخدم موس فينوس جميل وناعم ما يحسس البشرة
عدد
الجلسات تحددها لك الدكتورة او انتي حسب رغبتك
انا
ماحددت لي الدكتورة عدد جلسات معين
لكن قبل
ابدأ بالليزر بحثت عنه بشكل كافي وعرفت ان
الحد
الادنى للجلسات 6 جلسات مع رتوشها
لذلك
قررت اذا خلصت الجلسة السادسة اشوف حسب استجابة جسمي اوقف او اكمل
والحمد لله
النتيجة حلوه ولرغبتي بنتائج افضل اخذت الجلسة السابعة
كنت
تقريباً في البداية كل شهرين اسوي جلسة
لان شعر
جسمي ما يطلع الا بعد شهر ونص من بعد جلسة الرتوش
وصار
يتأخر ما يطلع الا بعد اكثر من شهرين بعد الجلسة الرابعة تقريباً
والجلسة
الخامسة بعد 3 شهور والسادسة بعد 4 شهور
واخذت الجلسة
السابعة كـ آخر جلسة بعد 5 شهور من رتوش الجلسة السادسة
بكذا
اكون خلصت الحمد لله
ولو قررت
بيوم اني اسوي ليزر يكون بعد اكثر من 6 شهور من اخر جلسة
مع العلم
اني مخلصه الجلسات الي مفترض اني اخلصها وهي 6 جلسات
والنتائج الحمد لله رائعة حتى الان لي شهرين من اخر جلسة
مريح
جداً في المناسبات والنظافة الشخصية
وبالنسبة
للبكيني اتوقع اغلب العيادات يوفرون خدمة ذاتية
انا
اخذتها ذاتية ونتيجته رائعة
فيه بنات
يتخوفون من استخدام الجهاز
الممرضة
راح تعلمك كيف تستخدمينه وتطلع عشان تاخذين راحتك
الي تخاف
من تحرق نفسها لا تخافين هي تحدد لك الدرجة المناسبة لك
انتي بس
تحطينه على جسمك
والالم
خفيف راح تتعودين عليه وتقدرين تحطين مخدر على المنطقة
بس ضروري
تكونين منظفة المنطقة من الشعر
لانه
جسمك هي تتأكد من شيلك للشعر قبل تسوي الضربات
اما
البكيني الذاتي انتي لازم تتأكدين من نظافتها
كنت
استخدم مخدر بخاخ افضل من الكريم لان الكريم ممكن يكون حاجز بين الجلد والضربات
استخدمه
قبل اطلع للعيادة احطه على المناطق الي تؤلم بالليزر
مثل
هالصورة
تقريباً
الالم في الي يكون فيها الجلد على العظم
مثل امام
الساقين وسطح القدم
والمفاصل
بشكل عام مثل الركب والاكواع ومفاصل الكفيين والقدمين
والذراعين
والمنطقة
الحساسة
وانا
لاني خوافه ابخ منه على اصبعي وادهنه على منطقة الشنب
( ما
انصح تشيلون الوجه بالليزر باستثناء منطقة الشنب )
اما بقية
الجسم عادي مافيه الم
البخاخ يجلس
مفعوله من ساعة الى ساعة ونص
يعني لين
تخلصين الجلسة اذا كانت فُل بدي
وبعد ما
تخلص الممرضة كل منطقة تدهنها بكريم عن التهيج
واساساً
وقت الكشف الدكتورة بتصرف لك كريم تستخدمينه بعد كل جلسة لمدة 3 ايام
انا صرفت
لي اليكا
كلنا
نعرف ان فيه كرتوزون
الدكتورة
قالت لي تستخدمينه لمدة 3 ايام بعد الجلسة
مرتين باليوم
بس انا ما
استخدمه الا في حالة حسيت بهيجان في منطقة بجسمي مره وحده وخلاص
يمكن
الجلسات الاولى بس لين يتعود الجسم وخلاص ما تحتاجينه كثير
وبكذا
نكون خلصنا جلسة الليزر
ونجي
للرتوش
الرتوش
هي جلسة مجانية بينها وبين الجلسة الاساسية اسبوع الى 10 ايام على حسب العيادة
تروحين
بدون ما تشيلين الشعر الي طلع
هم
يشيلون لك عشان يشوفون ايش المناطق الي ما جاها ضربات ونابت فيها شعر
ومهمه
اكثر من الجلسة الاساسية لانها تكملة لما سقط سهواً من الجلسة الاساسية
خصوصاً
للي بيسوون فُل بدي
باستثناء
البكيني اذا كنت تسوينها بنفسك تشيلين قبل جلسة الرتوش
وتسوينها
بنفسك مثل الجلسة الاساسية
انا كنت
اسوي عليها كلها حتى بالمناطق الي ما طلع فيها شعر
كأنها
جلسة ثانية لان طبيعة شعر المنطقة الحساسة اثخن من شعر الجسم
والحمد لله
النتيجة جداً جميلة ما سببت لي حرق او أي شي
وهم
عارفين هالشي لو كان خطر كان نبهوني على هالشغلة
في
الجلسات الاولى جلسة الرتوش يعيدون على كل الجسم
اما
الجلسات الاخيرة بس تضرب على المناطق الي نبت فيها شعر
الجهاز
الي اشيل فيه جنتل ليز برو
ما سبب
لي حروق او مشاكل الحمد لله
فيه
تعليمات لازم تلتزمين فيها بعد كل جلسة، يعطونك اياها بعد الكشف
- يمنع استخدام اي كريمات على الجسم قبل الجلسة
- تجنب
التعرض للشمس او الحرارة المباشرة بعد الجلسة لمدة 3 ايام
- استعمال
واقي شمس في حال التعرض للشمس لمدة اسبوع
- يمنع غسل
الجزء المعالج الا بالماء الفاتر بدون صابون لمدة 3 ايام
- يمنع
استعمال العطور او مواد التجميل لمدة 3 ايام
- يمنع
التجفيف بالدلك فقط بفوطة قطنية ناعمة
- يمنع حك
الجسم ويمكن وضع كمادات باردة لمدة 3 ايام
- يمنع عمل
حمام مغربي او الساونا او جلسات التقشير بعد جلسة الليزر لمدة شهر
بعد
جلسات الليزر ودعي ازالة شعر الجسم باسلوب النتف ( حلاوة او شمع ) او حتى آلة
لان
النتف يشيل البويصلة وتنبت بويصلة جديدة بشعرة جديدة ثخينة كأنك ما عملتي ليزر
عليها
والافضل
الاعتماد على الحلاقة بالموس
وبعد ما
سويت 7 جلسات ليزر تقريباً صار كل شعر الجسم وبري خفيف ما يبين
وبعض
المناطق ما فيها شعر اساساً الحمد لله
لذلك
انصح أي وحده عندها القدرة المالية لعمل ليزر تبحث عن افضل عيادة وتبدأ فيه.
No comments:
Post a Comment