Welcome 2019
في كل رأس سنة اكرر عليكم طريقتي بالتخطيط للسنة الجديدة
وهي دفتر عادي وقلم اخطط واشخبط واعيد وازيد على راحتي
واشدد على اهمية الانجاز بغض النظر عن طريقة التخطيط
لي فترة في 2018 احس اني ضايعه وتخطيطي ما يمشي
وانجازي بطيء ما عجبني
قررت هالسنة ابدأ بشكل مختلف لعلي استرجعي طاقتي بالتخطيط والانجاز
و قررت اشتري بلانر
وابدأ اخطط فيه للسنة
حبيت كأول استخدام اني اجرب شي عملي
فاخترت ماركة ban.do
حبيت اللون الذهبي
لونه ذهبي لامع فقط
مع الاضاءة والتصوير يطلع الوان قوس قزح
اول صفحة فيه جيب مكتوب فيها عبارة تحفيزية
This is only the beginning
for you
وداخله ورقة مكتوب فيها عبارة تحفيزية
The future is now
بشكل عام البلانر مليان عبارات تحفيزية
و فيه 3 صفحات استكرات حلوه
ثم تقويم سنة 2019 و 2020
ثم صفحة تواريخ الايام العالمية
هذه حلوه عجبتني كنت دايم اتمنى شي مثل كذا يجمع التواريخ العالمية
لكن الاشياء الي تخصنا مو موجودة
مثل اليوم الوطني ورمضان واعيادنا
بس عادي نقدر نضيفها احنا بالصفحة الي قبلها
موجود كل اشهر السنة في صفحة عنوانها
Write down some reasons to
party
كتبت بعض التواريخ مثل في
سبتمبر اليوم الوطني
وحددت بداية رمضان والعيدين وعرفة
بعدها نبدا اول شهر يناير مع اول عبارة تحفيزية
A lot can happen in a year
حجم المربعات حلو ممكن اكتب فيها عبارة بخط صغير
ثم صفحة بيضاء مسطرة لتدوين ملاحظات بحرية
ثم صفحة كل اسبوع من يناير له مساحة خاصة للتخطيط
كل يوم بيومه
اخر صفحة بالدفتر فيه رسمة حلوة للتلوين
بشكل عام حبيته يعطي طاقة ايجابية وان شالله يساعدني على التخطيط والانجاز
وراح اعمل له ابديت واذكر اذا استفدت منه او لا
سنة حلوه وسعيدة يارب على الجميع
اتمنى لي ولكم السعادة والانجاز والنجاح
Happy new year ❤
No comments:
Post a Comment